Vacancies

About the Job

Kaiwhakahaere Panonitanga – Ara Māori

Nau mai, haere mai! 

• Tūranga pūmau ki te Pipiri 2022
• Te akiaki panonitanga mauroa i tētahi whakahaere matatini nunui
• Te hanga putanga whakamanawa oranga mō te hunga e tiakina ana e mātou me ō rātou whānau
• Te arotahi ki ngā tikanga mahi poropeihana
• Te āwhina ki te tārai i te Ara Māori ki Te Matau-a-Māui 

‘Kotahi anō te kaupapa, ko te oranga o te iwi' – ‘There is only one purpose to our work:  the wellness and wellbeing of our people.'

Mō mātou

Ko te Ara Māori – Te Matau-a-Māui tētahi o ētahi takiwā whakamātautanga matua e rua mō te kaupapa ka haere mō te whā tau kua hoahoa tahitia ki te whānau, te iwi, te hapū Māori; ki ētahi whakahaere o waho me ētahi tāngata o waho atu o Ara Poutama Aotearoa.  E tohu ana ngā tūranga nei i tētahi huarahi ahurei e whakarerekētia ai e koe te noho a ngā tāne ka mahi tahi ai koe, tae atu ki ō rātou whānau.

Mō te tūranga

Kei te Kaiwhakahaere Panonitanga, te Ara Māori te kawenga ki te whakamahere, ki te ārahi me te huawaere i ngā mahi whakahaere panonitanga hei tautoko i te hunga ārahi i te Ara Māori me ō rātou tīma, e rite ai rātou ki te whakapūmau i ngā panonitanga me ngā tikanga mahi hou ka āwhina i te tārainga o ā mātou tikanga whakahaere ki tua. 

Ko ētahi o ngā haepapatanga o te tūranga ko:   

• Te ārahi me te huawaere i ētahi tikanga mahi tahi, tikanga auau mō te whakahaere panonitanga puta noa i ngā Ara Māori, e āta kawea ake ai te kaupapa e ngā tīma, e pakari anō ai ō rātou pūkenga.   
• Te ārahi i te aromatawaitanga o te noho rite mō ngā panonitanga ki te Ara Māori  
• Te tautoko i te whanaketanga o ngā korero mā te hunga whai panga me ngā korero whakapāpā ina hiahiatia
• Te mahi tata ki te pakihi, te huawaere me te whakahaere pāpātanga e tika ai, e hāngai ai ngā torotoronga ki ngā kaupapa panoni me te ngākau pūmau ki ngā mahere panoni me ngā mahi
• Te āta whai kia hāngai ngā whakaritenga, ngā mahi pūrongo me ngā tikanga whakatutuki painga ki te āhua o te kaupapa me ōna whāinga whānui
• Te whakarite i te wā e tukua ai ngā mahi o te kaupapa me tutuki ki ngā whakahaerenga o te pakihi
• Te tautuhi me te whakahaere i te kounga o ngā mahi mō ngā Ara Māori me tutuki, i roto i te horopaki o te kaupapa Māori 
• Te tautuhi me te whakahaere tūraru pakihi ka whakapiki ai i ēnei ina hāngai 
• Te tāpae tautoko ki te Kaiwhakahaere Ara Māori me ngā mātanga kaupapa
• Te tautuhi i ngā pāpātanga ki te Ara Māori mai i ngā tukanga, ngā hōtaka, ngā kaupapa a ētahi atu pakihi me te whakarite rongoā ki ēnei
• Te aroturuki i ngā mahi pakihi i muri o te whakatinanatanga o te kaupapa, ka tautuhi ai i ngā wero me te mahi tahi ki te pakihi ki te whanake me te whakatinana rongoā
• Te whanake me te whai kia pūmau te whakamanawatanga o ngā hononga mahi tahi ki te hunga whai panga (tae atu ki te Ngati Kahungunu Iwi Incorporated, ki ngā kaiwhakarato, ngā uniana me ngā kaiwhakahaere mahi) me ngā hononga o waho, ngā whatunga tangata e hāngai ana  

Mōu

• Kia mārama, kia ngākau pūmau ki te hoahoa whakahaere o te Ara Māori me te whakatutukitanga o te kaupapa, ka whakatutuki mahi mā, ka whakaatu i te ngākau aroha ki a ngāi Māori, ki ngā iwi o Te Moana-nui-a-Kiwa me ētahi atu ahurea.  
• Kia mārama ki te tikanga Māori me te āhua mōhio anō ki te reo Māori.
• Kia taumata tiketike tonu ngā pūkenga hautū, kia whakaūngia te pai o ngā pūkenga whakahaere panonitanga e whakatinanahia ai te panonitanga angitu.
• Kia whānui ngā pūkenga whakariterite, ngā pūkenga taunaki, me te whānui anō o ngā wheako ki te whakatau taupatupatu, ki te kawekawe i ngā whakaaro, ki te whakakīkī me te whakawhiti whakaaro
  • Kia mātau ki ngā tikanga mahi papai mō te whakahaere kaupapa me ngā tukanga whakahaere hōtaka mahi matatini mai i te hoahoatanga ki te whakatinanatanga.  
  • Kia taunakitia te pai ki te hanga me te tiaki hononga mahi whai tikanga, puta noa i  tētahi kāhui tāngata whānui tonu i runga i te mahi tahi me te rapu whakaaro kē.
  • Kia pakari tonu ngā pūkenga whakapāpā haere me te whānui anō o ngā wheako whakapāpā haere ki te ao pāpāho me ngā torotoronga ki te whatunga hunga whai pānga, me te whakahaere take, e tutuki ai ngā putanga rautaki me te mahere pakihi.    
  • Kia āhei ki te whakawhiti whakaaro ki ngā Kaiwhakahaere Mātāmua me te whakaaro, te mahi ā-rautaki nei.
  • Kia pakari ngā pūkenga ki te tuhi, ki te hōmiromiro kōrero, me ngā pūkenga whakapāpā ki ētahi atu, kia āhei anō ki te korero mō ngā take matatini ki ētahi whakaminenga whānui tonu.
  • Kia whai wheako ki te whakahaere poari mana whakahaere.
  • Kia whakaūngia te pai ki te aromatawai take me te whakatau take.
  • Kia mōhio ki ngā ia o te wā me ngā take o te rāngai ture

Tohu Mātauranga

Ko te painga atu mēnā he tohu mātauranga e hāngai ana tōu, kia whakaūngia hoki tō pai ki te hautū hei tā te mātanga i tētahi ao mahi e hāngai ana, he tohu ōkawa rānei tōu mō te whakahaere panonitanga pakihi, te mahi rānei ki te whakatutuki i tētahi, ka taea rānei te whakaatu ō wheako ki te hautū i te whakatinanatanga o ētahi kaupapa whakahaere panonitanga hiranga.  

Kia mōhio mai koa kei Te Matau-a-Māui tūturu ngā tūranga nei.

Me tono ināianei

Ki te tono, tukua mai koa tētahi CV kua whakahāngaitia ki te tūranga me tētahi reta uhi (PDF) e whakamārama ana i te take i hiahia ai koe ki te hono mai ki te kaupapa, ka whakamiramira ai i ngā pūkenga me ngā wheako e hāngai ana. He mea tino nui te hāngaitanga ki tā mātou kaupapa me ō mātou uara ki tō mātou angitu – e tono ana kia tāpaea mai he tauira e whakaata ana, e whakaatu ana i tēnei.

Whakaotia mai koa te rārangi pātai i muri o tō pato i te ‘Submit' hei wāhanga o tō tono. Ka tohu mai tēnei ki a mātou ko tēhea te tūranga e tino whāia ana